ميرنا جميل: أنا من "ولاد خالد جلال".. وطموحي هوليود

Wednesday, July 3, 2024

ميرنا جميل: أنا من "ولاد خالد جلال".. وطموحي هوليود

اخترنا لك: - وزيرة التعاون الدول ونائب رئيس المفوضية الأوروبية يناقشان تنفيذ الإصلاحات الهيكلية اخترنا لك: - سفير الاتحاد الأوروبي لـ"افاق عربية": حزمة من الدعم لمصر في مجال الكهرباء والطاقة

حلت الفنانة ميرنا جميل، ضيفة على برنامج "كلاكيت"، للمذيعة لينا الطهطاوي، وكشفت تفاصيل كواليس أعمالها الأخيرة، مسلسل “اللعبة” و"بيت الرفاعي".

سامية حلويات في "بيت الرفاعي"

تحدثت ميرنا، عن شخصية “سامية حلويات”، في مسلسل "بيت الرفاعي"، قائلة: “أنا بعشق سامية حلويات مش هزار بعشق الدور ده من أول ما قريته على الورق البنت الجدعة الطيبة اللي بتحبه ومش مبينه”.

وأضافت "بجد اتبسطت من التجربة مع أمير كرارة هو فعلا مز مصر وأنا بحبه جدًا، وطلعت كسبانة من المسلسل ده كان في مشاهد كنت بقعد أسال نفسي هو أنا لو قابلت حد وحبيته فعلا هبقي جدعه معاه أوي كده”.

الوصول لهوليوود

وكشفت عن تفاصيل وكواليس رحلتها في عالم الفن، مشيرة إلى أنها اكتشفت من صغرها العديد من المواهب الفنية مثل الرسم وتقليد الاشخاص، فضلا عن عشقها للاستعراضات.

وتابعت"كان باين أن فيا حاجة من الفن بس أنا مش عارفة ايه هي، علشان كنت لسه صغيرة، بس كانت طموحي عالية، وأنا عندي 13 سنه كاتبه في ورقة إني هوصل هوليوود".

المسرح

وعن تجربتها في المسرح أعربت جميل عن خوفها وتوترها بسبب بداية وقوفها على خشبة المسرح، قائلة " قبل ما تتطلعي المسرح تلاقي ركبك بتخبط في بعض وإيديك متلجة و مرعوبة، لكن بعد 3 دقايق لو قلتي حاجة تضحك والناس حبتك و ضحكتلك بتلاقي ثقة في النفس رهيبة”.

واستكملت: "بتبدئي تفردي دراعتك، ذهنك بيكون شغال دايما لازم يكون عندك ملكة الارتجال، عشان لو حد نسي كلامه أنا اكمل وأوصل معنى اللي كان هيقوله، والمسرح يشبه لعبة حلوة ولذيذة بتبني الثقة في النفس".

خالد جلال

كما تحدثت عن أول عمل لها مع المخرج خالد جلال، حيث قالت"مسرحية بعد الليل دي كانت أول مسرحية بروفشينال عملتها في حياتي مع خالد جلال، أنا فخورة إني طالعة من ولاده".

وتابعت: "الراجل العظيم ده علمني ارتجال وكوميدي ومسرح وتمثيل علمني كل حاجة، استعراض، وغنا، وأنا صوتي مش أحسن حاجة بس كان بيعلمني إزاي نقفل الجملة صح اللي قدامي ميحسش إن في نشاز".

مسلسل اللعبة

وأعربت ميرنا عن نجاح دورها في مسلسل "اللعبة"، قائلة" 120 حلقة نجحوا والناس لسه في انتظار أجزاء تانية".

وتابعت:" أكثر المشاهد التي كانت كواليسها مليئة بنوبات الضحك، كنت أنا وشيكو بنعمل مشهد وقولتله جملة عارف مين أكتر اتنين محظوظين في الدنيا؟ أنا وأمك، فضلنا نضحك ودخلنا في نوبة ضحك وعدنا المشهد 70 مرة، والمسلسل أتحول لعيلة، ومتحمسة أوي للجزء الخامس عشان هيكون فيه ضحك كتير".